Ymweliad Inswleiddio Truewool

Roedd yn bleser ymweld â Mair Jones yn True Wool Insulation ym Mynachlog Nedd ddoe i ddysgu mwy am sut maen nhw'n trawsnewid gwlân Cymru yn gynhyrchion inswleiddio cynaliadwy a naturiol.

Fel y soniodd Mair wrtha i, roedd gwlân wrth wraidd cymunedau Cymru ymhell cyn glo a dur. Am genedlaethau, roedd yn cefnogi bywoliaeth ac yn helpu i siapio cymunedau.

Heddiw, mae pobl sy'n gweithio ar draws sector gwlân Cymru yn dangos sut y gall un o'n diwydiannau hynaf ein helpu i gwrdd â rhai o'r heriau mwyaf sy'n ein hwynebu heddiw, wrth greu deunyddiau adeiladu arloesol, cefnogi ffermwyr lleol, a chyfrannu at ddyfodol mwy cynaliadwy.