Mae'n hanfodol ein bod yn galluogi ein pobl ifanc i ddeall y modd y mae syniadau polisi, ideoleg a systemau llywodraethu yn creu'r gymdeithas a'r byd y maent yn rhan ohonynt, a sut gallant gael llais, mynegi barn a chwarae eu rhan yn y broses ddemocrataidd, a sylweddoli a gwerthfawrogi pam fod hynny'n bwysig, iddynt ddeall bod ganddynt rym.
Dros y blynyddoedd diwethaf yn y Senedd, rwyf wedi ceisio pwysleisio bod gan bawb lais a’i fod yn cyfrif. Rwyf wedi ceisio sicrhau bod lleisiau pobl ifanc a phlant Cymru yn cael eu clywed a bod cymaint â phosibl yn cael eu hannog i gymryd diddordeb a rôl weithredol yn ein holl ddyfodol.
Cliciwch yma i adael sylw neu i ddanfon neges
18.06.25 - Cwestiwn i Ysgrifennydd y Cabinet dros Addysg – Addysg Wleidyddol
Rwy’ wedi bod yn galw ers tro am well addysg wleidyddol yn ein hysgolion a'n colegau. Roeddwn i’n siomedig na fydd Llywodraeth Cymru yn gwneud mwy i sicrhau bod pobl ifanc yn cael eu dysgu’n well am sut y gallant wneud i newid ddigwydd.
29.05.25 - Pawb a'i Farn
Mae democratiaeth iach yn dibynnu ar bawb yn teimlo fel eu bod yn gallu cymryd rhan ynddi - rŷn ni'n gadael ein pobl ifanc lawr drwy beidio â rhoi cyfle iddynt ddysgu sut gallant godi llais. Dyma ddywedais ar raglen Pawb a'i Farn ar S4C yr wythnos diwethaf, o Eisteddfod yr Urdd.
14.05.25 - Mae Sioned Williams AS yn croesawu disgyblion o Ysgol Gynradd Gymunedol San Tomos i’r Senedd
27.03.25 - Ymweliad â Choleg Gŵyr
Cefais fore bendigedig yng Ngholeg Gŵyr Abertawe yn siarad â myfyrwyr sy’n astudio Gwleidyddiaeth. Unwaith eto roedd hi mor galonogol gweld llond ystafell o bobl ifanc â chymaint o ddiddordeb yn eu Senedd, a byd ehangach gwleidyddiaeth.
12.03.25 - Wythnos Croeso i Dy Bleidlais
Fe wnes i noddi trafodaeth bwrdd crwn a gynhaliwyd gan Y Comisiwn Etholiadol yn canolbwyntio ar y ffordd orau i ni ymgysylltu â phobl ifanc cyn mis Mai 2026, i gynyddu eu dealltwriaeth a’u hyder i gymryd rhan yn etholiad y Senedd. Y Fonesig Elan Closs Stephens, Comisiynydd Etholiadol Cymru, oedd yn cadeirio’r drafodaeth ac yn amlinellu canfyddiadau allweddol ymchwil i agweddau pobl ifanc at ddemocratiaeth a gwleidyddiaeth Lleisiau Ifanc ar Ddemocratiaeth. Ymunodd Plant yng Nghymru â ni hefyd, ochr yn ochr â phobl ifanc wych sydd wedi cynhyrchu gwaith celf ar y thema "Fy Mhleidlais, Fy Llais" - "Fy Mhleidlais, Fy Llais".
07.03.25 - Elect Her
Roeddwn i mor falch o fod wedi cymryd rhan yn nigwyddiad ElectHer ‘Ysbrydoli Hi yn y Senedd’. Mae angen mwy o fenywod yn y llefydd lle mae penderfyniadau yn cael eu gwneud ac roedd yn wych medru sôn wrth fenywod Ifanc o’m cyn ysgol Ysgol Gyfun Cwm Rhymni am fy llwybr i’r Senedd.
25.02.25 - Senedd Ieuenctid Cymru Scouts Cymru
Roedd yn bleser bod yn rhan o’r digwyddiad ar gyfer pobl ifanc 14-18 oed yr wythnos diwetha. Bwriad y diwrnod oedd rhoi cyfle i bobl ifanc i gael profiad o fod yn Aelod Seneddol am y diwrnod ac i ddysgu am y broses ddemocrataidd yng Nghymru - rhywbeth dwi’n teimlo sy’n holl bwysig.
13.12.24 - Ysgol Gynradd yr Eglwys yng Nghymru Bryncoch
Roeddwn yn falch iawn o ymweld ag Ysgol Gynradd yr Eglwys yng Nghymru Bryncoch ym mis Rhagfyr. Nid yn unig y cefais daith o amgylch yr ysgol wych hon, ond cefais hefyd gyfle i siarad â disgyblion am fy rôl fel un o’u Haelodau o’r Senedd, ateb rhai o’u cwestiynau am y Senedd, a chyflwyno bathodynnau i’r Prif Weinidogion, Ddirprwy Prif Weinidogion ac Aelodau Senedd yr Ysgol.
Diolch i’r Pennaeth, Mr Marc Sinnett, am fy ngwahodd i’r ysgol ac amlinellu rhai o’r cynlluniau cyffrous ar gyfer y dyfodol. Diolch hefyd i Margaret Thomas, Cadeirydd y Llywodraethwyr, oedd yn amlwg mor angerddol dros yr ysgol. Yn olaf, diolch hefyd i’r holl athrawon a staff y siaradais â nhw, yn ogystal â’r holl blant a ofynnodd gymaint o gwestiynau treiddgar.
06.12.24 - Senedd yr ysgol yn holi Aelod lleol o’r Senedd
14.11.24 - Ysgol Gynradd Treforys
Bore gwych yn cymryd rhan mewn trafodaeth gyda disgyblion o Ysgol Gynradd Treforys am fy rôl fel un o’u Haelodau o’r Senedd a sut mae gwleidyddiaeth yn gweithio. Diolch am y cwestiynau gwych! Diolch i The Politics Project am drefnu’r sesiynau Deialog Digidol hynod bwysig hyn i helpu i feithrin perthynas rhwng pobl ifanc a’u gwleidyddion ac i rymuso pobl ifanc i drafod y materion cymdeithasol a gwleidyddol sydd o bwys iddyn nhw.
06.10.24 - Senedd Ieuenctid
Braint i glywed gan, a siarad ag Aelodau Cymreig gwybodus ac angerddol y Senedd Ieuenctid yn nigwyddiad Plant yng Nghymru yng Nghaerdydd ddoe. Diolch am yr holl gwestiynau gwych a phob lwc gyda chodi'r holl faterion pwysig a drafodon ni!
30.06.24 - Mae angen addysg wleidyddol ar bobl ifanc, nid y Gwasanaeth Cenedlaethol
26.06.24 - 'Young people need political education, not National Service' | Sioned Williams - Wales Online
12.06.24 - Newyddion S4C
Ni allai'r angen i gael pobl i ymgysylltu'n well â'r broses ddemocrataidd fod yn bwysicach ar hyn o bryd gydag etholiad ar y gorwel a ninnau’n diwygio’r Senedd. Siaradais â Newyddion am fy nghynnig ar gyfer Bil Addysg Wleidyddol, a basiwyd yn ddiweddar gan y Senedd.
29.05.24 - Y Senedd yn cefnogi galwad am addysg wleidyddol yn ysgolion Cymru
22.05.24 - Dadl ar Gynnig Deddfwriaethol gan Aelod: Bil addysg wleidyddol
22.05.24 - If you don’t understand politics, why would you turn out to vote?
21.03.24 - Gweithdai ar ddemocratiaeth, Prifysgol Abertawe
Bore gwych yn Prifysgol Abertawe yn cymryd rhan mewn gweithdai ar ddemocratiaeth ar gyfer disgyblion ysgolion lleol a drefnwyd gan fyfyrwyr yr adran Wleidyddiaeth.Mor bwysig bod ein pobl ifanc yn deall, ac yn teimlo eu bod yn rhan o'r penderfyniadau sy'n effeithio ar eu bywydau.
