Mae angen banc arnom ni ym Mhortardawe

Rwy'n hynod o grac y bydd tref Pontardawe yn cael ei gadael heb fanc yn dilyn penderfyniad Lloyds i gau eu cangen ym mis Tachwedd. Hwn fy manc lleol ac rwy'n gwybod bod defnydd mawr ohono! Bydd cau'r banc yn gadael bwlch enfawr o ran gwasanaethau bancio yng Nghwm Tawe.

Sioned tu allan i lloyds banc

Dwi'n gwybod bod angen banc go iawn ar fusnesau ac ar drigolion lleol - dyw nifer ohonyn nhw ddim yn bancio ar-lein. Mae sicrhau ein bod yn cadw'r gallu i brynu a gwerthu gydag arian parod yn ein cymunedau yn fater o degwch a chynhwysiant.

Er enghraifft fel cadeirydd y Grŵp Trawsbleidiol yn y Senedd ar Anableddau Dysgu, rwyf wedi bod yn cefnogi ymgyrch Mencap i sicrhau y gall pobl ddefnyddio arian parod i dalu am nwyddau a gwasanaethau. Rwyf wedi clywed gan lawer o bobl ledled Cymru nad ydynt yn gallu defnyddio bancio ar-lein, na defnyddio cardiau debyd neu gredyd, ond mae ganddynt y gallu i ddefnyddio arian parod, ac mae hyn yn rhan bwysig o'u hannibyniaeth.

Er mwyn i fusnesau bach allu derbyn arian parod, maen nhw angen gwasanaethau sydd gerllaw er mwyn ei fancio. Mae banciau felly yn golygu mwy i gymuned na dim ond lle sy'n trin a tharfod eu harian - maen nhw'n galluogi llif arian drwy gymuned.

Cliciwch yma i adael sylw neu i ddanfon neges

14.03.25 - Ymateb Lloyds ar gau banc Pontardawe yn “hynod siomedig”

25.02.25 - Link yn cytuno i ailedrych ar y penderfyniad asesu mynediad arian parod gwreiddiol

n dilyn fy nghais i LINK iddynt adolygu eu hasesiad mynediad at fancio ar gyfer Pontardawe, rwy’n falch iawn eu bod wedi cytuno i edrych eto ar argaeledd y gwasanaethau pwysig hyn yn sgil penderfyniad Lloyds i gau. Mae gwasanaethau arian parod, a mynediad at arian parod yn dal yn bwysig iawn i drigolion a busnesau ym Mhontardawe a chymunedau cyfagos. Rydych wedi dweud wrthyf na fydd opsiynau eraill lleol yn darparu’r ystod o wasanaethau sydd eu hangen, nac yn addas i ateb y galw lleol. Fe wnes i gynnwys hyn yn fy llythyr at LINK, a gobeithiaf y byddant yn ystyried y rhain wrth iddynt gynnal eu hadolygiad. Tra bod yr adolygiad hwn yn cael ei wneud, byddaf yn parhau i siarad â Banc Lloyds ac eraill i geisio sicrhau y bydd gwasanaethau ariannol hanfodol ar gael i Bontardawe a chymunedau cwm Tawe.

20.02.25 - Y banc olaf yng Nghwm Tawe - Sioned Williams AS (Cymraeg)

13.02.25 - Teimladau y cyhoedd yn “hynod gryf” ynghylch cau banc Pontardawe

04.02.25 - Cwestiwn i'r Prif Weinidog

Gofynnais i'r Prif Weinidog am weithredu I wella trafnidiaeth gyhoeddus i bobl sy'n byw yng nghymoedd fy rhanbarth.

Mae hyn hyd yn oed yn bwysicach yn dilyn y newyddion y bydd y banc olaf yng Nghwm Tawe yn cau ym mis Tachwedd.

Roeddwn yn siomedig bod y Prif Weinidog wedi bychanu’r newyddion dinistriol hwnnw yn ei hymateb.

Gwyliwch yma

31.01.25 - Dwi wedi bod mas ym Mhontardaweyn clywed gan bobl leol.

Roedd ymateb trigolion a busnesau heddiw yn unfrydol: bydd cau Banc Lloyds ym Mhontardawe - y banc OLA yng Nghwm Tawe - yn cael effaith ddinistriol ar ein cymuned.

Dyw e ddim yn ymwneud â chau lle i drafod arian pobl yn unig, mae hefyd yn galluogi busnesau lleol i dderbyn arian parod, mae'n dod â phobl i ganol y dref ac mae bob amser yn brysur. Mae'r Cynghorydd Anthony John Richards a minnau wedi bod mas ym Mhontardaweyn clywed gan bobl leol.

Gwyliwch yma