Gweithdy 'Fy Mhleidlais Gyntaf' yn Abertawe yn Siambr y Cyngor, Neuadd y Ddinas, Abertawe

Roeddwn i wrth fy modd i gael fy ngwahodd i Neuadd y Ddinas yn Abertawe, i fod yn rhan o sesiwn a gynhaliwyd gan y Senedd a'r Gwasanaeth Etholiadol Cyngor Abertawe i helpu i addysgu disgyblion o Ysgol Gymunedol Cefn Hengoed ac Ysgol Gyfun Birchgrove am y Senedd ac etholiad y Senedd. Roedd yn wych gallu sôn wrthyn nhw am fy rôl, trafod beth sy'n bwysig iddyn nhw a siarad am bwysigrwydd pleidleisio. Mae'r Senedd wedi ymuno â Gwasanaethau Etholiadol ledled Cymru i gynnal sesiynau am ddim i ddisgyblion 15+ oed i hyrwyddo llythrennedd gwleidyddol a gwybodaeth am sut i bleidleisio yn y cyfnod cyn etholiad y Senedd 2026. Fel rhan o'r sesiwn ryngweithiol, trafodwyd sut i gofrestru i bleidleisio, mwy o fanylion am y Senedd a'i waith, yn ogystal â chynnal etholiad ffug.